رومانسية اردنية

موضوع: رومانسية اردنية 3/15/2008, 12:52 pm

خلف فجأة : ولك يا قردة شكلك ناسية انو مثل هاظ اليوم
قبل سنتين كان اول مرة بشوف سنحتك وبنحب بعض,

يعدمني جدوقك شو ناسية.

شفيقة: والله جد ولك تفو عليك شو بحبك , بعدك متذكر يا مقلعط؟

خلف : هووووه , هو الي بشوف هالشكل الي بقطع الرزقة بنساه؟

-هاهاههاهاهاهاها يلعن ابوك شو حكياتك حلوين وهاظ الي معلقني فيك , تتذكر اول مرة تلقينا ؟

- هههههههه هو انا بنسى؟ ,, يوم ما حطتلك رجل وانتي ماشية مع امك وقلبتي على بوزك؟

- ولك الله يقطعك شو رومانسي , كيف هيك تجرأت واتخذت هاي الخطوة الجريئة؟
, جد انا بحب الشب المبادر والقلبو قوي
- يالله عاد هسه بدك تكبري راسي وتظلك تمدحي فيي؟
,, انتي كمان بزقتي علي يومها تتذكري؟
, والله ما بنسى بزقتك وهي بتتدلى على وجهي وبتنزل شوي شوي ,,
يومها عنجد عرفت انك بتحبيني ..
...آه والله يا خلوفتي انا ما بزقت عليك الا لأني بحبك,,
.يا قلبي انتي

-حياتي .

- طيب تتذكري يوم
ما اقترحت علي انو نتباطح والي ببطح الثاني 3 مرات هو الي بنام عالارض والفايز بنام عالتخت .
- يالله يومها شو انبسطت , بس صحيت ثاني يوم مكسره عظامي من النومه عالارض .
ماهو يا خلف انا بطحتك 5 مرات .

- لا والله بس بطحتيني عالارض 4 مرات ,, آخر وحدة مش محسوبة.

- كيف مش محسوبة بطحتك المرة الخامسة لما دعست على رقبتك ناسي؟

-هو هووو علينا خلص مو مشكلة يا ستي بطحتيني خمس مرات ,,
هسه ما تظيعي علينا الاحتفال بهاي الليلة الي ما بتتعوض .
- والله معك حق , خلص شو رأيك انا اليوم رح اخليها ليلة رومانسية بشكل ,,
- شو رح تعملي؟
انت ما عليك بس حظّر الشمع واشعله وسكر الظواو وهسه باجي .

وما ان اشتعل الشمع الا وخرجت شفيقة من المطبخ حاملة صحن كبييييييير مجدرة ,,
فإنغمرت عيون خلف بالدموع فرحا , حمد ربه ووعد شفيقة بأن يبقى مخلصا لها ..
فما كان من شفقية الا ان طلبت منه بوسه ,, فلما لفلها خده عضت أذانه فضحك وضحكت ,,
وبقيو على الطاولة يأكلون المجدرة لأخر الليل ,, ويقال انهم الى الان بياكل بالمجدرة
تحيااااااتي

موضوع: رد: رومانسية اردنية 3/15/2008, 8:48 pm

هههههههههههه شو هالرومانسية هاااي كيووووت
يئطع هيك رومانسية
ههههههه يسلمووووا خيووو

موضوع: رد: رومانسية اردنية 3/15/2008, 10:21 pm

هههههههههههه

الله ياخد مواضيعك ياكيوت ههههههه
ولك غيرهم

موضوع: رد: رومانسية اردنية 3/16/2008, 2:52 pm

يسلمو بجد روعه شو هرومنسيه بس الله يبعد الجميع عنها
مشكور
مع تحياتي
عاشقة القلوب الضاحكه

موضوع: رد: رومانسية اردنية 3/17/2008, 4:47 pm

ههههههههههههههه حلوة اكيد يسلموو ياسوار ويادلع ويانجل وعقبال ماتصيرووا زيها هههه

وشو يانجل مو عاجبينك مواضيعي ؟؟؟؟ ماتفوت وبس

موضوع: رد: رومانسية اردنية 3/17/2008, 5:47 pm

هههههههههه
حلوة يا كيوت
يعطيك العافية
تحيتي

موضوع: رد: رومانسية اردنية 3/17/2008, 7:11 pm

ههههههههههههههههه
ولا في بعد هيك روماانسية
يسلمووووووووووا يااكيووووووووووووووت

موضوع: رد: رومانسية اردنية 3/17/2008, 9:01 pm

يسلمووووووووووو ياصفاااء وياطاوس وعقبالكوا ههههههههههه

لازم تتعلمو الرومانسية متلها هههه

تحياااااااااااتي

» نكت اردنية
» رومانسية الشتاء
» فلاشة رومانسية من تصميمي
» ليالي رومانسية مع لسعاات من الغباااء
» شعر حب ..... تدرون آنه رومانسية احب الحب الرومانسية ....@@@