هههههههههههههههههههههههه

حياكم الله حبايبي عشاق الطبخ النبيل
اقدم لكم اليوم اكلة من اختراعي الخاص ..اكله من يوم عرفتها وانا ماشفت الراحه ..كل مارحت عند شباب في استراحه او طلعه ..طلبوها مني ..وبدل مااقعد مع الشباب اسولف واتقهوى اقعد في المطبخ بين البط والمواعين..عموما ماراح اطول عليكم اكيد انكم مشتاقين لها الطبخه يالله كل وحده تجهز ورقة وقلم وتذكرو قبل ماتسجلون المقادير ان شعارنا في هالطبخه (( أهم شيئ الاخلاق ))نبدأ:
خروف كبير مربرب سوداني ذو اصول استراليه
طن ملح
طن مكسرات
طن فلفل بارد
طن عصير ليمون
طن بهارات مشكله
طن رز
7بطات بلديات..اي وطنية
لاتستغربون من كبر المقادير..تذكروا ان هذا خروف مو دجاج ..لا ومحشي 7 بطات يعني يادوب
نبدأ في طريقة التحضير وهيه اهم شيئ ..وهيه اللي يتجلى فيها شعارنا بشكل واضح (( اهم شي الأخلاق ))
تخلين السواق يدخل لك الخروف من باب المطبخ الخلفي في الليل عشان الجيران مايسمعون الصياح والصراخ
اول مايدخل الخروف ..امسكي الخروف وابطحيه في المطبخ ..طبعا وهو مقتول ..ومصلوخ..مو حي عشان شعارنا مايهتز
وتاخذين اقرب ساطوره ..وتنادين عيالك كل واحد منهم يمسك رجل من رجوله ..وتسمين بالله ..
وتلفخينه بالساطوره مع بطنه ..لفخ لفخ لفخ ..الين ينفتح بطنه ..ثم تنادين عيالك وتعطين كل واحد منهم عضو من اعضاء الخروف الداخليه يروحون يرمونها لأننا مانحتاجها ..عشان البط ياخذ راحته في بطن الخروف..واحد من عيالك تعطينه الكرش وواحد تعطينه المصارين وواحد الكبد وواحد الطحال ..يازينهم وهم ماشين ورى بعض وكل واحد منهم ماسك له شيئ بيده..الله يحفظهم ويخليهم لك ..بس اسمعي ..لاتجبرينهم على مساعدتك والشغل معك اللي مايبي لاتجبرينه((تزعلين عيالك عشان خروف الله لايرده اهم شيئ عيالك)) والأخلاق مايحتاج اذكر فيها ..هاذي شعارنا
بعد كذا يجي دور البط..
العمليه سهله تدخلين البط في المطبخ وهو حي..وتقفلين باب المطبخ وتعطين كل واحد من عيالك سكين
وتفلتينهم على البط ..ولفخ لفخ لفخ ..وعينك ماتشوف الا النور ريش متطاير ودماء متناثرة وسكاكين ..لاتشيلين همها الله يخلي الخدامه
بعد كذا يجي دور نتف الريش الطريقة سهله
تاخذين البط معك للصاله وتتصلين على جارتك (حصه)وتقعدين تسولفين معاها في الفستان اللي بتفصلينه في زواج اختك منيره ..وانتي تسولفين خلي يدك شغاله نتف ..نتف ..نتف الين ماينظف البط
بعد كذا تغسلينه بديتول..بشكل جيد
بعدين تمسكين المقادير وتكتينها كلها دفعه وحده في بطن الخروف
وتاخذين حبل خياطه وابره وتخيطين بطن الخروف وتدخلينه الفرن وبالهناء والشفاء ..
يؤيؤيؤ..لحظه لحظه نسينا ندخل البط في بطن الخروف ..معليش بتعبك شوي ارجعي جيبي الخروف من الفرن شقي بطنه ودخلي البط وخيطي من جديد
وبالهناء والشفاء ..


ملطووووووووووووووووووووش

ههههههههههه يسلمووووو هههههههههههه
هههههههههه هههههههههه هههههههههههه

مشكووووووور على الطبخة الحلوة طاوس هههه

مرسيييييييييييييييه يالخطيييييير على المرور

مشكووووووووووورة اختى على الموضوع
يسلموووووووووو