الى الطاوووووس خروف بس انسى تاكلى متله
المقادير
نص كيلو لحمه مفرومه بقر او خروف يستحسن من الخروف
بصله حمراء كبيره
دجاجه محشيه ومشويه
ورق عنب مطبوخ وجاهز للاكل
فطر مقطع علي شكل ورد
حمام محشي بالفريك
رز بسمتي نقريبا 4 كوب
خروف صغير وهو القوزي
مكسرات كاجو - لوز _ فستق حلبي _ صنوبر اصلي مو مغشوش يعني مو صيني _ زبيب (اختياري )
بهارات هيل _ قرفه _ فلفل اسود_ ملح_ كبش قرنفل _ بهار ابيض _ بهار حلو
بيضه مسلوقه
الطريقه
1- بالنسبه للخروف بتمسحيه في كلينكس مطبخ بعدها بتنقعيه في 3 انواع خل الابيض والاحمر والتفاح وبالملح الخشن والبهار الابيض والاسود
وبتضعيه في كيس كبير وبتتركيه 3 ايام في الثلاجه يعني (يتدلعيه)
2_ بالنسبه للرز بتاخذي الرز وبتنقعيه في ماء لمدة 6 ساعات مع اضافة الملح لانه الملح بمص كل
الروائح التخزين منه
3- الان بتجيبي بصله بتقطعيها قطع صغيره واذا ما لك خلق ابشريها واخلصي زييي علشان ما اتبين
في الطبخ لانه سعد وانس ما بياكلوا بصل وهذه من خدعي في الطبخ لهم وبعدها بتضعي زيت كانولا لانه
زيت الكانولا اخف زيت علي المعده ولانه ما بنصح مثل الذره ولانه الذره سعراته الحراريه عاليه
جدا ومن هيك بتلاقي عنا في الدول العربيه بعانوا من السمنه
وبعدها بعد ما تذبل البصله بتكوني سالقه اللحمه المفرومه وبتقلبيها مع البصله وبعد ما تنشف اللحمه
بتضعي الرز والبهارات وبعدها بتضعي الماء وبالنسبه لكل كوب بسمتي كوب وثلث ماء وبعدها بس يبلش
الرز يعمل فقاقيع الله ما يفقع حدا بتعطي الخليط وبتتركيه حتي بنضج وما بتفتحي عليه الطنجره
احسن بيخرب وبيخبص
4- بتجيبي الخروف بتفتحي بطنه مسكين بحزن وبتحشيه الرز والمكسرات وبعدها الدجاجه والحمامه وورق
العنب والفطر ولكن بطريقه فنيه وفي نفس طيب مو تحطيه علي بذرة دانه وبتضعي البيضه المسلوقه
وبعدين شوفي انت شو بدك تحشي كمان فانت كريمه والخروف بستاهل وبعدها بتلفيه في ورق الومنيوم
وبتضعيه بالفرن مدة 7 ساعات تقريبا او اقل حسب الفرن عندك
5- الان طلع الخروف وصار بجنن بتقدميه في صينيه كبيره وبتسلقي خضار علي ذوقك وبتقدمي معه المقبلات والسلطات
وبعدها بتصيري اتجيبي ورق تصاميم وبتعملي تصاميم حلوه وبتضعي له في ارجله وبتجمليه في البقدونس
واي نوع خضار
6- ملاحظه انا مرات بنقعه في الملح الخشن والبهار الابيض والبهار الاسود ومرات في عصير العنب مع الاعشاب
وبعمل الديك الرومي بنفس الطريقه ولكن بزيد الكستناء مع الديك وايضا الدجاج المحشي بنفس الطريقه
ولكن بمسح الدجاج بالبريكا ولكم مني اجمل تحيه
موضوع: خروف الطاووس المحشى .مع الشيف خليل اطلب واتمنى.... 